Beautiful Connemara saam met skoonfamilie (en nuwe Canon IXUS 100is)

Ons is sopas terug in Dublin en my skoonouers is reeds oppad na Amsterdam om by Garrie en Charisse verder te kuier. Ons het toe 2 nagte in Galway spandeer en 'n nag in Clifden by Quay House. Die Sky Road en Kylemore Abbey was van die hoogtepunte. Die weste van Ierland bly maar mooier as die ooste - kan nie wag om weer te gaan surf nie. 

Ek het ook kans gehad om my nuwe Canon IXUS 100is uit te toets en het selfs 'n paar kort video'tjies geneem (wat ek later sal aanstuur om te sien hoe Posterous dit hanteer).

Die volledige album van fotos (geneem deur Zilla en myself) is hier: http://picasaweb.google.com/north.john/ConnemaraApril2009#

randoms

sommer net paar randoms...onder andere die troue, handstands in die agtertuin en foto's van die mense saam wie ek swot...

Stem vir die sonbril - demokrasie sal seevier

Zilla en Andre het ongelukkig "nee" gestem maar ek dink nogsteeds die brille is gangbaar. Gebruik die "comments" hieronder om jou demokratiese stem by te voeg. Die fotos is buite blackrock stasie en in Juniors (restaurant) geneem. Daar is tans local elections in Ierland so ek het 'n paar kiekies saam met die posters geneem - een lyk selfs soos Angela Lansbury van Murder She Wrote.

Andre eet 'n nagereg van marshmallows wat vars by Juniors gemaak word en saam met warm sjokolade sous en aarbeie bedien word - great restaurant.

Verblyf by Cip en Eleanor se troue

Die verblyf by Cip en Eleanor se troue is vandag bevestig. Vanaf die 13de Julie tot Vrydag die 17de Julie het ons self-catering verblyf by Somerset Spa - http://www.somersetspa.co.uk. Ons het die Old Mill (slaap 8) en Granary (slaap 6).

Vanaf die 17de tot die 20ste het ons 6 kamers by Lower Farm Bed and Breakfast (weereens vir 'n totaal van 12 mense) - http://www.thornfalcon.co.uk/.

Sien 'n kaart van die plekke ten opsigte van Taunton en die onthaal.

Om aansoek te doen vir UK visums kan julle die aangehegde bewys van verblyf gebruik. Ek behoort binnekort die Lower Farm bewys te kan oplaai.



Europa Toer '09 (vaarwel Ierland)

Ons tyd in Ierland is amper verby. Zilla is besig om haar laaste paar opstelle en haar tesis te skryf terwyl ek veronderstel is om al ons aardse besittings op te pak, administrasie af te handel en...ons toer in Junie en Julie te beplan! 


Teen volgende week maandag (18 Mei) behoort ons te weet of ons Schengen Visums goedgekeur is. Ten einde aansoek te mag doen vir die visums moes ons al ons reis en verblyf reelings finaliseer (en sover moontlik betaal). Ons het dus reeds 'n goeie idee van waar ons gaan wees op verskillende tye. Ek heg 'n pdf dokument hierby aan wat ons verblyf reelings weergee.


Kyk gerus die "fly-over" video wat ek op Youtube gelaai het (die kwaliteit is nie wonderlik nie en daar's geen klank...)



...vir 'n beter oorsig van ons roete en besoekpunte sien die Google kaart.

Ons skop die toer af op 10 Junie wanneer ons per ferrie uit Dublin vertrek. Ons hoof vervoermiddel sal ons swart '98 Saab wees en ons hoop om ook 2 opvou fietse agter in die kattebak te hou. Ons sal 'n tent en slaapsakke saam neem vir die paar nagte wat ons op kampeerplekke gaan bly.


Ons sal baie graag enige voorstelle wil hoor van plekke waar ons moet aangaan op die toer.

Die hoof besoekpunte in volgorde is:
  • Christopher en Eleanor in Oxford (vir 'n nag)
  • Garrie en Charisse in Amsterdam (vir 3 nagte)
  • Strasbourg (2 nagte)
  • Evian langs Lake Geneva op die Franse kant (3 nagte)
  • Milan of Monza (1 nag)
  • Lake Garda in Italie in die dorpie Gargnano (3 nagte)
  • Florence in Italie (2 nagte)
  • Rome (5 nagte - het 'n woonstel gehuur)
  • die Cinque Terre op die Italiaanse Kus (2 nagte)
  • die Cote d'Azur buite Nice en Monaco (2 nagte)
  • Provence (3 nagte)
  • Tournus (1 nag oorslaap oppad Parys toe)
  • Parys (3 nagte)

Die toer kom ten einde op die 13 Junie wanneer ons teruggaan Engeland toe vir Cip en El se troue (sien http://www.chrisandel.co.uk). Die gesin en 'n paar vriende spandeer dan 'n week in die English countryside buite Taunton rondom die troue voor ons 20 Julie terugvlieg Suid Afrika toe. Kan nie wag nie!

Lazy Days in Dublin...letterlik

Ons gunsteling koffiewinkel in Blackrock is omtrent 3 blokke van ons
woonstel af. Dis Lazy Days. Noudat ek nie meer werk nie en Zilla van
die huis af swot en tesis skryf stap ons gereeld soontoe vir 'n koffie
of ligte ete.